ياليل الحزن

ياليل الحزن والهم علامك
اريد انشد سبب حزنك والامك
چا چم دوب نتعذب ولا نفهم مرامك

* * *

چم دوب العلل ما تنشفي ودم
وچم بالعمر ليل ونرد نلتم
ياجسر الحزن والليل
ياهم الذي ما شاله جف وحيل
ياهم اللي زاد همومي وتلعثم

* * *

ياباب المحبه انسدت بظلمه
وعمت عينه اليسد بابه على خطاره
وتستر بالوكت وبوحشته وهدمه

تعال وخل اسولفلك ياليل شگد چنت خايف
تعال وخل اودي وياك ترچيات
للي جانت بخوفي تدگ الصبر
وتدوفه بحنة الشوغات
ياليل انه الهم لهمته
وگلت لابد بالفجر الگي خبز
والسنبل المزروع حد بستان ديرتنه
يحصدونه زلم
واطفال حد الطوف
تتراكض
تعد للشمس سبع اخرز
خافن من تجي الظلمه تهد وتفز

چا يمته ياليل الحزن تگضي
اخافن يگضي عمري احساب
وادور بس جبر خاطر
بلچي الموت من يمرگ
على ادروبي احن واشمر عليه
عصابه امي وچرغد الحلوات
مو خلصو زلمنه وراحو الافات
بعد بيمن نخوف الغول
والبعبع طلع غفله
والسعلوه صارت سالفه بكل بيت
مو كافي
تمرمرنه
وتعذبنه
ولا فد يوم من خوفك يليل الهم تخلصنه
ولا فد يوم من خوفك تخلصنه


يا ربي يعجبكم