ياهو المنج اشرف خاطر اشكيله
دليني يحسنه وباجر امشيله
امشيله واسولف كل حجي المهموم
كبل حفاي كالواهسه ماكو هدوم
بيتي من القنابل والقصف مهدوم
وحكومه بلاحكومه بغيرتشكيله
تنازع عل كراسي والشعب حفاي
وابشرك لاغذا لاكهربا لاماي
احنه اهل النفط والكاك عزالماي
ياحسنه الحكومه تكدر
"تشيله"....."اقصدللماي"
حكومتنه الرشيده ليش هالتعجيل
اي مونزلت علينه من السما سجيل
بلوه احنه ابتلينه قابل اهل الفيل
اي موهذا ابرهه خلونه نكفيله
جوعنا ابرهه وجوع ابو الكفار
ثلث اسنين اسمع مااشوف اعمار
بس بعض الحكومه اصبحوا تجار
بهاي اشهد ياحسنه بيوم وبليله
تجار الحكومه والشعب حمال
وياهواليجي باجر يغير الحال
من هاي السوالف حملونه اثقال
اذا ينعدل وضعي ينعدل ذيله
حكومتنه الرشيده ليش هذا البوك
تره الهذا الشعب قط ماتضيع احقوق
باجر بانتفاضه نشك كثيره احلوك
عرفنه الباكنه ونعرف الياويله
*************
الشهيدرحيم المالكي