اسمك بيه عبير وطيب وانسام
واذا شامت يذكره احترك وانسم
هاي الناس كلها بربع وانسام
ثلثترباع من الكلب هيه
انعصر كلبي وما بقت منه ...وشاله
وغيابك فرهد كليبي ... وشاله
سكمني وكطع اعروكي ...وشاله
اجيك شلون من امشي اعله اديه
المصايب فرهدت حالي ...وشالت
وجفوني من كت الدمع خلصت ...وشالت
ابشرك بسمتي رحلت ...وشالت
اريدك بس تجي اتردهه عليه ..
انا العطشان منك مي أتاني
ومثل صبري بغيابك من يتاني
تگلي شلون صحتك ميت اني
وبعدك روحي عرفته المنيه
فؤادك بالهوى يازين نقال
واريدك دوم للطيبات نقال
حبيبي ماجبت للحين نقال
يرن بالليل ونسولف سويه
لون تنشد هظم كلبي عليكم
بكثر مادور وينشدعليكم
وحك اللي قلع خيبرعليكم
سنه احنه ونحب حامي الحميه
غزاني الدهر بجيوشة وعدها
وطريحة الروح بس تنطر وعدها
ابد وياك ماتخلف وعدها
لانك يا وفي تنشد علية
ولاانام افكر بيك يالغالي ولاانام
ولا رمش جفن عيني و لا انام
احبن اكعد كبالك ولا انام
عزيز وشوفتك حصره عليه
اسف كلبي حمل ضيمك وهملك
قرار اصدرت نسانك وهملك
بعد ميفيد لا دمعك وهمـلك
جنت دمعه وبجيتك هاي هيه
ذبل عودي ودليلي انصاب به داي
والك عمري هديته وضاع بهداي
لون رايد تطلع الـروح بهداي
انته اخر نفس تصعب عليه
انه الشميت ورد شفاك شمتان
عجب بجروح وكتي اليوم شمتان
اذا ناوي الجـفه وياي شمتان
روح وداعت الله بلايهجيه
وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه
بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه
بنص گلبي لگعد حُبك وبيته ........ أخلي
وبمرض فرگاك گَلبي وبيته ......... مرضته
گلبي يعتبرك موطنه وناسه وبيته ........ البيت
والي يظل بلا وطن كل عمره أذيه
وشفاك
تگلي من حُبي فكيتك وشفاك ......... شفكيت
أنعليت منك ويمك دواي وشفاك ........ الشفاء
وصفتي آخذ بوسه من الخدين وشفاك ....... الشفه
ومن آخذ الوصفه يشفه كل مرض بيه
ارجوا ان تنال اعجاابكم
تحياتي للجميع
الرئيسية 
