شهيــــــــــــد الحـــــب

شهيـد الحـــب
--------
ورده بيضة ابنص بستان
ويحبهه طير ابجنحين
وكل ساعه ايصيح انة اهواج
كل لحظه ايصيح ابكل حين
وهية عبالك ماتسمع
وتتجاهل صوته المسكين
كلش حد ما مل اصياحة
يا ورده انتي متحسين
كالتله الوردة البيضاء
ذيج الوردة ابنص تشرين
من يصبح لوني احمر
ان اهواك ابذاك الحين
وتمر ايام وبعد ايام
وكل يوم اللي ايفوت اسنين
والطير ايعد الساعات
والدمعات ابطرف العين
ولمن فاظ الصبر ابعينه
فوك الورده ظل ايحوم
راد الوردة تصبح حمره
وشكك جنحينه المظلوم
وبساعتهه الورده احمرت
لاكن احمر من ادموم
هسه الوردة هسه حست
ابحب الطير المامعلوم
صاحت ياطير اترجاك
ياطير اترجاك اتكوم
وهذا الطير بلا جنحين
وبدم طايح كالمعدوم
وهذا الطير بلا انفاس
والورده ابدمعات ادموم
ياعشاك شوفو الطير
والحب ابدآ ما مختوم
هذا الطير ظحة ابنفسة
جي هوه من الحب محروم
راد ايضوك الحب فد مرة
مايدري ان الحب مسموم
ولمن ظاكه اتسمم بيه
وظلت هاي الناس اتلوم
يا عشاك اتعلمو العبرة
لو حسيتو ابحب فد يوم
كلمن يهواك اتراعيه
وخفف من لحظات اللوم
هاي الدنيه هيج اتصير
مو عاشك من حب محروم

ابن البصرة بخدمتكم

مواظيعك دائما روووووووووووووووووووووووووووووووووعه

روعة وانت روعة